सिमलपानी, अर्घाखाँची (अर्घाखाँची डट्कम) । अर्घाखाँची जिल्लाको सिमलपानीमा आगलागी हुँदा कयौ परिवार घरबार विहीन हुन पुगेका छन् ।
आईताबार भएको आगलागीबाट सिमलपानी-८ जौवारी गाउँका ८ घर ध्वस्त भएका थिए ।
आगलागी पीडित परिवारहरुले अहिले सम्म केही राहत नपाएको गुनासो गरेका छन् । सम्बन्धित निकायका त कुरै छोडौ, कुनै संघ- सस्थाले समेत अहिले सम्म सहयोगको पहल नगरेको स्थानिय एक पीडितले भने ।
आगलागीबाट करिब डेढ करोड बराबरको क्षति पुगेको छ ।
आगलागीबाट सिमलपानी जौवारीका सन्त पाण्डे, ज्ञान प्रसाद पाण्डे, दोलक बिसी, सरादा पौडेल, शशिधर भाटक्षेत्री, टेकबहादुर भाटक्षेत्री, श्यामबहादुर भाटक्षेत्री, खुमानन्द भुसाल, रुद्रप्रसाद अधिकारी लगायतका घरगोठ जलेर नष्ट भएका छन् ।
आगलागीबाट घरका राखिएका नगद, खाद्यान्न, लत्ताकपडा, भाँडाकुडा लगायतका सामग्रीहरु जलेका थिए । त्रिव्र गतिमा चलेको हावाहुरीसँगै भालुदुला वनमा लागेको ढडेलोले गाउँमा आगो सल्केको थियो ।
तस्बिरहरु: सन्त पाण्डेबाट
बैशाख २ गते, २०७३ मा प्रकाशित
