अमेरिकाको ओहायोमा आठ जनाको हत्या गरिएको छ । ओहायोको ग्रामीण क्षेत्रमा मृत्युदण्डको शैलीमा आठ जनाको हत्या गरिएको सरकारी अधिकारीले बताएका हुन् ।
मारिनेमा १६ वर्षका किशोरसहित ८ जना रहेको र ती सबै एकै परिवारका सदस्य हुन सक्ने स्थानीय अधिकारीले बताएका छन् ।
सबैको टाउकोमा गोली हानेर हत्या गरिएको र हत्यामा संलग्न फरार रहेको सरकारी अधिकारीले बताएका छन् । ओहायोको साउथ अफ कोलम्बसको पिकेटनमा घटना भएको हो ।
घटनामा तीन बालकालिका भने बाँच्न सफल भएका छन् । कुनै एक व्यक्तिले हत्या गरेको हुन सक्ने र आरोपीको खोजी भइरहेको स्थानीय अधिकारी चार्ल्स रिडरले बताए ।
हत्याको कारण तथा ज्यान जानेको पहिचान खुल्न नसकेको प्रहरीले जनाएको छ । आक्रमणकारी परिवारकै सदस्य रहे नरहेको बारे पनि केही थाहा नभएको प्रहरीको भनाइ छ । (एजेन्सी)
बैशाख ११ गते, २०७३ मा प्रकाशित
