पाकिस्तानको विशेष अदालतले पूर्वराष्ट्रपति परवेज मुसर्रफलाई भगौडामा सूचीमा राख्नुका साथै ३० दिनभित्र अदालतमा उपस्थित हुन आदेश दिएको छ ।
राजद्रोहका मुद्दा खेपिरहेका मुसर्रफ स्वास्थ्य परीक्षणका लागि दुबईमा छन् ।
बयानका लागि अदालतले बारम्बार आदेश दिएपनि बेवास्ता गरेको भन्दै मुसर्रफलाई ३० दिनभित्र अदालतमा उपस्थित हुन फेरि आदेश जारी गरिएको हो ।
अदालतले भगौडाको सूचीमा राखेपछि अदालत परिसरभर मुसर्रफको तस्वीर राखेर भगौडा भनी प्रचार गरिएको छ ।
अदालतले मुसर्रफलाई ३० दिनभित्र सम्पत्ति विवरण पेश गर्न पनि आदेश दिएको छ ।
सन् २००७ मा सत्ताच्यूत गरिएका मुसर्रफविरुद्ध सन् २०१३ मा राजद्रोहको मुद्दा दायर गरिएको थियो । (एजेन्सी)
बैशाख ३० गते, २०७३ मा प्रकाशित
