(पहिलो प्रकासित मिती: २०७३ जेष्ठ २, आइतवार)
सन्धिखर्क, अर्घाखाँची ( अर्घाखाँचीडट्कम ) । अर्घाखाँची जिल्लाको सन्धिखर्क नगरपालिका वार्ड नम्बर ८ स्थित खाचिकोटको खाँचीपुल नजिक ट्याक्टर दुर्घटना हुँदा एक जनाको घटनास्थलमा मृत्यु भएको छ ।
लु.२ च ७५७४ नम्बरको ट्याक्टर दुर्घटना हुँदा सितापुर-६ बस्ने २६ वर्षीय चालक दानबहादुर गुरुङ्गको मृत्यु भएको हो । खाँचीवाट सुपादेउराली जाने क्रममा उक्त दुर्घट्ना भएको प्रहरीले बताएको छ । ट्याक्टर अनियन्त्रित भई दुर्घटना भएको प्रहरीले बताएको छ ।
साथै यसअघि हिजो सुपा देउराली नजिकै लु १ च ५५१६ नम्बरको जिप दुर्घटना भएको थियो । दुर्घट्नामा जिपमा सवार केही सामान्य घाइते भएता पनि कुनै मानविय क्षेती भएको छैन ।
तस्बिर: फेसबूकबाट
जेष्ठ ३ गते, २०७३ मा प्रकाशित
