सन्धिखर्क, अर्घाखाँची ( अर्घाखाँचीडट्कम ) । अर्घाखाँची जिल्लाको गोखुगां सेपाने खोपीका खिम बहादुर पुनको रोजगारीका लागि साउदी अरबमा पुगेको एक वर्ष नपुग्दै मृत्यु भएको छ ।
मृतक खिम बहादुर पुन । तस्बिर: फेसबूकबाट
गोखुगां गाबिस वडा नं ५ सेपाने ( खोपी ) घर भई बिगत १० बर्ष देखि सन्धिखर्क नगरपालिका- २ भद्रीखोला बस्दै आएका ३८ बर्षका खिम बहादुर पुनको जेष्ठ ८ गते साउदी अरबमा मृत्यु भएको हो।
पुनको जेन्डिस भई साउदी अस्पताल भर्ना गरिएको र उपचारको क्रममा अस्पतालमा निधन भएको हो।
बेहोस पुनकी श्रीमती थम्कला पुन संगै समाजका ब्यक्तिहरु । तस्बिर: फेसबूकबाट
पुनका एक श्रीमति र १४ बर्ष र ८ बर्ष का २ छोरा छन । उनको मृत्युको खबर थाहा पाए देखि पुनको श्रीमती थम्कला पुन बेहोस अबस्थामा छिन ।
मृतक पुन धेरै समय सम्म भारतमा नोकरी गरि २०७२ भाद्रमा ग्लोबल ओबरसिजबाट रोजगारीका लागि साउदी अरब गएका थिए ।
मृतकका पुन नाबालक २ छोराहरु । तस्बिर: फेसबूकबाट
मृतक पुनको लास ल्याउने प्रयास भैरहेको छ । लास ल्याउन अझै ८, १० लाग्ने पुनसंगै साउदी अरबमा काम गर्ने लोक बहादुरले बताए ।
जेष्ठ १४ गते, २०७३ मा प्रकाशित
