नरपानी । फाइल फोटो
घनश्याम पौडेल
नरपानी, अर्घाखाँची । बुटबलबाट सन्धिर्खकको लागी छुटेको देउराली यातायात ब्यबसायी समितिको जीप गए राती नरपानीमा दुर्घटना हुँदा पाँच जना घाईते भएका छन ।
लु १ ज १४४६ नम्बरको जिप दुर्घटनामा नुबाकोट बरबास बस्ने बर्ष ४० कि हरिकला घर्तीमगर ,सोहि ठाउँका बर्ष ४५ बर्षकै चोपबहादुर घर्तीमगर ,सनपा १ बस्ने साबित्रा बेलबासे, कपिलबस्तु घर भई हाल सन्धिखर्क बस्ने बर्ष ३५ कि सुनिता पटेल ,सोही ठाउँकै बर्ष ५० कि रुमाली पटेल रहनु भएको छ । ४ जना घाईतेको बुटबल र १ घाईतेको जिल्ला अस्पतालमा उपचार भैरहेको छ ।
दुर्घटना चालकले मादक पदार्थ सेबन गरेका कारण भएको आरोप यात्रुहरुले लगाएका छन् ।
घटनाबारे छानबिन गर्न चालकलाई प्रहरीले नियन्त्रणमा लिएको जिल्ला ट्राफिक कार्यलयका प्रमुख रेशम राना भाटले जानकारी दिनु भएको छ ।
जेष्ठ २८ गते, २०७३ मा प्रकाशित
