-कोमल भट्ट
पुरानो नैकाप,काठमाडौँ
हाल:- न्युयोर्क, अमेरिका
हाम्रो एकतामा जलेको छ कोही
चोखो मित्रतामा जलेको छ कोही
यौटै हुन्न चाहा र आस्था भनेको
पुज्ने देवतामा जलेको छ कोही
मीठो मात्र बोल्छौँ सधैं नम्रताले
देख्दा शिष्टतामा जलेको छ कोही
बाँड्छौँ स्नेह हामी विना भेदभाव
सस्ता मान्यतामा जलेको छ कोही
गाह्रो हुन्छ रोजै सबै सामु पुग्न
हुन्छौं व्यस्ततामा जलेको छ कोही
बन्दै स्पष्ट वक्ता बिते वर्ष हाम्रा
पायो प्रौढतामा जलेको छ कोही
खप्छौँ घाम,पानी,व्यथा,चोट सारा
छैनौ खिन्नतामा जलेको छ कोही
छन्द – चाङ्वात्नाङ
विश्राम
जेष्ठ २८ गते, २०७३ मा प्रकाशित
