डिआरजी सुमन
सन्धिखर्क, अर्घाखाँची । स्वतन्त्र पत्रकार संघ, नेपाल अर्घाखाँचीको बैठक सन्धिखर्कमा सम्पन्न भएको छ ।
आजको बैठकले रेडियो देउरालीवाट प्रसारण हुने चर्चित कार्यक्रम नमेटिने यादका प्रस्तोता महेश भुसाल, नयाँ एफ.एम.का समाचार बाचक विक्रम पाण्डे समानता, नयाँ एफ.एम.कै कार्यक्रम प्रस्तोता सुदिप के.सी.लाई जिल्ला समितिको सदस्यता प्रदान गर्ने निर्णय पछी तत्काल नव प्रवेशी सदस्यलाई अवीर लगाएर सम्मान गरिएको थियो ।
बैठकले जिल्लाको पत्रकारीता क्षेत्रमा क्रियाशिल स्वतंत्र पत्रकारहरुलाई छिटो भन्दा छिटो महासंघको सदस्यता दिनको लागि पत्रकार महासंघ आग्रह गर्ने, यही साउन १५ गते परेको सस्थाको स्थापना दिवसमा जिल्ला अस्पताल अर्घाखाँचीमा रहेका विरामीहरुलाई फलफुल वितरण गर्ने, नयाँ सदस्यता वितरण कार्यलाई तिव्रता दिने,केन्द्रदेखी समन्वयगरी विधान र निती समवन्धीत मापदण्डको सम्पुर्ण अधिकार संस्थापक सदस्य डिआरजी सुमनलाई दिने लगायतका विविध महत्वपूर्ण निर्णयहरु सर्वसम्मत पारित गरेको स्वतन्त्र पत्रकार संघ अर्घाखाँचीका सचिव शिव वेल्वासेले जानकारी दिएका छन् ।
अर्घाखाँची जिल्ला भेला कार्यक्रमा संघका अध्यक्ष हरिप्रसाद भुसालको अध्यक्षता र सचिव शिव बेल्वासेको संचालन उपाध्यक्ष अम्विका श्रेष्ठ, डिआरजी सुमन, विशाल पाण्डे, दिनेश गैरे लगायतका सदस्यहरुको उपस्थितिमा शान्ति वगैचा निकट रहेको संघको कार्यालयमा सम्पन्न भएको छ ।
तस्वीर डिआरजी सुमन/अर्घाखाँची डटकम्
आषाढ़ २२ गते, २०७३ मा प्रकाशित
