सानु मगर
कपिलवस्तु (नेपाल)
हामी देशभक्त नेपाली सबैको एउटै लक्ष्य हुन्छ
वीर गोर्खालीको छोराछोरीले एउटै आवाज बोल्छ
उच्च बिचार चिनाउछ हाम्रो सगरमाथाको शिरले
चारै तिर छन् बैरीहरु पाइला रोक्दैन देशभक्त वीरले
वीर गोर्खालीको रगतमा छैन कुनै यहाँ नाप
काटे रगत सबैको एउटै हुन्छ हुदैन यहाँ भेदभाव
आएर हानोस बैरीले मेरो छाती परेपनि चिर
गर्धन नै काटोस झुक्दैन देशभक्त नेपालीको शिर
आतंक र आक्रमणको अशान्त मच्चिदै छ देशमा
सत्यवादी बनि आतंक मच्चाउदै आउछन द्दन्द भेषमा
हाम्रो नेपाल हामी देशभक्त नेपाली साथ भए पुग्दछ
वीर गोर्खालीको सन्तान हामि देखेर बैरी त्यसै झुक्दछ
दु:ख सुख गर्दै अघि बढ्ने देशभक्त हाम्रो पहिचान
हौँ हामी सबै नेपाल आमाको एउटै वीर सन्तान
हेर है मित्र देश खान लागे राष्ट्रघाती दलालहरुले
देशभक्त आवाज बोलौ अब हामी नेपाली वीरले
श्रावण ३ गते, २०७३ मा प्रकाशित
