ठुलापोखरा, अर्घाखाँची ( अर्घाखाँचीडट्कम) । अर्घाखाँची जिल्लाको ठुलापोखरामा धनमाल चोरी भएको छ ।
ठुलापोखरा – ४ कोल्डाँडा निवासी हुमलाल पाण्डेका छोरा बिष्णु पाण्डेको घर कोठाबाट गएराती चोरी भएको हो । बिष्णुकी श्रीमतीको कोठाबाट आधा तोला बराबरको २ औठी,२ तोलाको रानीहार, उफरलाईटका साथै ३ हजार नगद रुपैया बराबरको धनमाल चोरी भएको छ ।
अर्घातोषबाट जित बहादुर घमको नेतृत्वमा गएको प्रहरीले सम्पूर्ण विवरण लिई अनुसन्धान भईरहेको बताएको छ ।
चोरी भए लगतै स्थानियबासी जम्मा भएका थिए तर अहिले सम्म कसले चोरी गर्यो भन्ने खुल्न सकेको छैन् ।
आश्विन १७ गते, २०७३ मा प्रकाशित
