सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको सन्धिखर्क नगरपालिका – १४ स्थित रामपतमा एकै गाउँका चार दाजुभाइहरु एक समुहले आक्रमण गर्दा घाइते भएका छन ।
घाईते हुनेमा ५२ वर्षिय मोतिलाल मुखिया ,३८ भबिस्वर मुखिया ,१८ मधु मुखिया र ३३ वर्षिय कैलास मुखिया रहेका छन ।
कैलास मुखियाका ससुराली गुल्मी पिपलधारा नादिकामा ५ जनाको समुहले गत २४ गते राती ७:३० बजे एक्कासी घरमा सुति रहेको अबस्थामा छड ,खुकुरीले आक्रमण गरि गम्भीर घाइते बनाएका थिए । आक्रमणको बेला उनिहरुले गुहार मागेपछि छिमेकी दाजुभाईलाई गुहार दिन जाँदा उनिहरुलाई समेत आक्रमण गर्दा घाईते भएका हुन ।
रातिमा आक्रमण गरि भाग्ने क्रममा खन इलाका प्रहरी कार्यालयको प्रहरी टोलीले ५ जनालाई पक्राउ गरेको छ । घरायसी सामान्य बिबादमा तिज पछि माइत गएकी कैलासको श्रीमती सबिता मुखियाका माईतीहरु नै आक्रमणकारी भएको स्थानियको दावी छ ।
उनिहरु अस्पतालमा उपचार पछि घर फर्केका छन् ।
घटनाका बारेमा थप अनुसन्धान भैरहेको प्रहरिले जनाएको छ ।
घाईतेहरु
तस्बिर: सहयोगी बिसीबाट
आश्विन २६ गते, २०७३ मा प्रकाशित
