प्रेम खड्का
भुवनपाटा, अर्घाखाँची ( अर्घाखाँचीडट्कम) । अर्घाखाँची जिल्लाको सुपादेउराली मन्दिरमा दर्शन गर्न दाङबाट आएको जीप सितापुर गाबिस वार्ड नम्बर ९ स्थित भुवनपाटामा दुर्घट्ना भएको छ ।
लु १ ज २६४६ नम्बरको जीप दुर्घट्नामा गाडीमा सवार ११ जना घाइते भएका छन् । घाइते मध्ये ३ जना दाङ लामाही ११ का २६ वर्षिय विडु खनाल, दाङका ५ वर्षिय अरपित खनाल र चालक दाङका ३९ वर्षय मोहनलाललाई थप उपचारको लागि बुटवल रिफर गरिएको छ । सामान्य घाइते हुनेमा दाङका सावित्रा खनाल, बिजय खनाल, लक्षमण पौडेल, नारायण खनाल, नेहा खनाल, कमला खनाल, सोम खनाल र प्रेम खनाल रहेका छन् । घाइतेको ठाडा स्वास्थ्य चौकीमा उपचार भईरहेको छ ।
जीप सडकबाट २५ मिटर तल सितखोलामा खसेको छ । दुर्घट्ना भए लगतै प्रमुख जिल्ला अधिकारी कृष्ण बहादुर कटुवाल र प्रहरी नायव उपरीक्षक नवरत्न पौडेल घट्ना स्थल पुगेका थिए ।
दुर्घट्नाको कारण खुल्न सकेको छैन । साथै घटना सम्बन्धित अनुसन्धान भईरहेको प्रहरीले बताएको छ ।
आश्विन २९ गते, २०७३ मा प्रकाशित
