सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको ढिकुरा गाबिसलाई सन्धिखर्क नगरपालिकामा नलगि भुमिका स्थान नगरपालिकामा समाबेस गरेको बिरोधमा ढिकुराबासीहरु अान्दोलित भएका छन ।
ढिकुराबासीहरु सन्धिखर्कको टुडिखेलबाट निकालिएको ढिकुराको बिरोध जुलुस जिल्ला प्रहरी कार्यलय अगाडि जिल्ला प्रशासन कार्यालय हुदै कृर्षि कार्यालय मिडिया चोक शान्ति बगैचा हुदै जिल्ला बिकास समितिको प्राङ्गणमा पुगि कोणसभा मा परिणत भएको थियोे ।
कोणसभालाई ज्ञान बहादुर बिक तारा घिमिरे रेमकला खत्री श्ऋषिराम घिमिरे मोतिराज भट्टराई ईश्वरीप्रसाद भुसाल नारायण घिमिरे लगायतले मन्तब्य राख्दै ढिकुरालाई भुमिका स्थान नगरपालिकामा लैजाने दलहरुले गरेको निणय अाफुहरुलाई कुनै हालतमा मान्य नहुने बताउनु भएको थियोे ।
कार्यक्रममा हजारौं ढिकुराबासीहरु सहभागी भएका थिए । कार्यक्रम सुर्य प्रसाद भुसालको सन्चालनमा सम्पन्न भएको हो । अान्दोलनकारीहरुले जिल्ला बिकास अगाडि प्रहरीको घेरा तोडेर जिबिस प्राङ्गणमा पुगेका थियो । ढिकुराले अान्दोलन जारी राखेको छ।
कार्तिक २२ गते, २०७३ मा प्रकाशित
