नवनिर्वाचित अमेरिकी राष्ट्रपति डोनाल्ड ट्रम्पले हालै निधन भएका क्यूवाली कम्युनिस्ट नेता फिडेल कास्ट्रोलाई बर्बर तानाशाहको संज्ञा दिएका छन् ।
एक बर्बर तानाशाहको निधन भएको भन्दै उनले अब क्यूवा स्वतन्त्र भविष्यतर्फ अघि बढ्ने विश्वास व्यक्त गरेका छन् ।
अमेरिकी राष्ट्रपति बाराक ओबामाले भने कास्ट्रोले विश्व राजनीतिमा पारेको असरबारे इतिहासले फैसला गर्ने प्रतिक्रिया दिएका छन् ।
सबैभन्दा लामो शासन गर्ने मध्येका एक फिडेल कास्ट्रोको निधन शुक्रबार भएको थियो । वर्षौसम्म विश्व महाशक्ति अमेरिकालाई चुनौति दिँदै शासन चलाएका कास्ट्रोको हत्याका लागि अनेकपटक प्रयास गरिएको बताइन्छ ।
आफ्नो प्रिय नेताको ९० वर्षको उमेरमा निधन भएको खबर सुनेर क्युवाली जनता भने शोकाकुल बनेका छन् । (एजेन्सी)
मंसिर १२ गते, २०७३ मा प्रकाशित
