सुर्य भुसाल
सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ८ र वार्ड नम्बर ९ को योजना तर्जुमा गोष्ठी सम्पन्न भएको छ ।
गोष्ठीको एक भब्य समारोहका बिच उदघाटन गर्दै सन्धिखर्क नगरपालिकाका कार्यकारी अधिकृत रामजी जोशीले नगरक्षेत्र भित्र बिकास गर्नका लागि अालुहरुले नगरका बिभिन्न बिकट बस्ती तथा एरियामा जनतालाई नगरको महशुस हुने गरि काम गरिएको जानकारी दिनु भयो । अधिकृत रामजी जोशी यस नगरपालिकामा अाएपछि बिकासले फड्को मारेको स्थानियले बताउछन । सालिन र अनुशासित स्वभाव कार्यकारी अधिकृत जोशी स्थानिय बिकास मन्त्रालयका निकै बुझेका खारिएका ईमानदार कर्मचारीको रुपमा पर्छन । जोशीले बिहान देखि रातिसम्म अपसीको काममा समय खर्चने गर्छन ।
योजना तर्जुमा गोष्ठीमा नगरपालिकाका ईन्जिनियर नारायण पोख्रेलले नगरपालिकाले गरिरहेका गतिबिधि अागामी बजेट बिनियोजन लगायतका बिषयमा उपस्थितलाई जानकारी गराउनु भएको थियोे ।
कार्यक्रममा नगरपालिकाका कर्मचारी सिता बिसीले उपस्थित सबैलाई स्वागत गर्नु भएको थियोे । कार्यक्रममा नगरपालिकाका कर्मचारी कृष्ण भुसाल नेपाली काङ्ग्रेसका नगरसभापति बिनोद आचार्य एमालेका युवराज श्रेष्ठ नेकपा माअोबादी केन्द्रका राम बहादुर रायमाझी लगायतले मन्तब्य राख्दै नगरको बिकासका लागि अाफुहरुले कार्यालयलाई पूर्ण रुपमा सहयोग गरेको बताउदै १ दुई बर्षको अबधिमा नगरपालिकाबाट एतिहासिक काम भईरहेको बताएका थिए ।
मंसिर १३ गते, २०७३ मा प्रकाशित
