प्रेम खड्का
सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको सदरमुकाम सन्धिखर्कको टुडिखेलमा सरसफाई कार्यक्रम सम्पन्न भएको छ ।
नयाँ शक्ति नेपालको युवा संगठन राष्ट्रिय युवा अभियानले आज बिहान ७ देखि १० बजे सम्म टुडिखेलमा १ वर्ष भन्दा अगाडि देखि थुप्रिएको फोहरलाई व्यवस्थापन एवम सरसफाई कार्यक्रमको आयोजना गरेको हो ।
सरसफाई कार्यक्रममा नयाँ शक्तिकी केन्द्रिय सचिवालय सदस्य यमुना भुसाल, ५ नं. प्रदेश सदस्य गोकर्ण थापा, युवा संयोजक मनिस सिंह, महिला संयोजक रमा आचार्य, दलित शक्तिका दिनेश सुनार लगायतको उपस्थिती रहेको थियो ।
उनिहरुले संकलन गरेको फोहरलाई सन्धिखर्क नगरपालिकाको गाडी सहयोगमा फोहोर पठाइएको थियो । नयाँ शक्तिको राष्ट्रिय युवा अभियानले जिल्लाका अन्य भागमा पनि यस प्रकारको सरसफाई अभियान गर्ने भएको छ ।
मंसिर २२ गते, २०७३ मा प्रकाशित
