प्रेम खड्का
नरपानी, अर्घाखाँची ( अर्घाखाँचीडट्कम) । अर्घाखाँची जिल्लाको नरपानी स्थित भुवनडाँडामा रुखले च्यापेर एक जनाको मृत्यु भएको छ ।
सन्धिखर्क ६ भुवनडाँडा निबासी ७३ वर्षिय गँगा बहादुर थापाको रुखले च्यापेर निधन भएको हो। हिजो पौष १९ गते दिउँसो १ बजे आफ्नो घर नजिकै रुख ढाल्ने क्रममा च्यापेर गम्भीर घाइते भएका थापाको सन्धिखर्क जिल्ला अस्पतालबाट रिफर गरी थप उपचारको लागि बुटवल लैजाने क्रममा सुपादेउराली पुग्दा बाटोमा निधन भएको थियो ।
सन्धिखर्क २ कुरका टुक बहादुर नेपालीले काट्न लागेको चिउरीको रुखले च्यापेको थियो ।
थापाकी श्रीमतीको पहिले नै मृत्यु भईसकेको र २ छोरा भारत, ३ छोरीको बिबाह भैसकेको बताइएको छ । यस सम्बन्धी प्रहरीले थप अनुसन्धान भईरहेको बताएको छ ।
पौष २० गते, २०७३ मा प्रकाशित
