आज अर्घाखाँचीको पाणिनी बहुमुखी क्याम्पसमा स्वबियु निर्वाचन हुँदै

सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको पाणिनी बहुमुखी क्याम्पसमा आज स्वबियु निर्वाचन हुँदैछ ।

स्वबियु निर्बाचनका लागि सम्पूर्ण तयारी पुरा हिजो नै भएको क्याम्पस प्रशासनले बताएको छ । उता लगभग सबै बिद्यार्थी संगठनले तालमेल गरेका छन् ।     

स्वबियु निर्बाचनको लागी अर्घाखाँची जिल्लामा रहेको पाणिनी दुई बिद्यार्थी संगठन बिच तालमेल भएको छ । अनेरास्वबियु र अनेरास्वबियु ( छैठौ) को संयुक्त प्यानल दर्ता भएको छ । जसको सभापतिमा बसन्त श्रेष्ठ (छापेली) ,सचिबमा सन्देश खनाल ,कोषाध्यक्षमा भुबन खनाल सदस्यहरुमा प्रकाश राउत ,ठाकुर भुसाल र पुस्पा गैरेको उम्मेदारी दर्ता गरेका छन् । 

यस्तै स्ववियु चुनावमा नेविसंघ, क्रान्तिकारी प्रचण्ड, विप्लव र नयाँशक्ती विद्यार्थी बिच एकता भएको छ । नेपाली कांग्रेस निकट नेपाल विद्यार्थी संघ (नेविसंघ), माओवादी केन्द्र निकट क्रान्तिकारी, विप्लव निकट क्रान्तिकारी र नयाँ शक्ती निकट नयाँ शक्ती विद्यार्थी युनियनले एकता गरेर एउटै प्यानल बनाएर चुनावमा प्रतिष्पर्धाका लागी खडा भएको छ ।  

शुक्रबार पत्रकार सम्मेलन गरेर क्ररान्तीकारीका लक्ष्मण खड्काको नेतृत्वमा सभापती, नेविसंघका बर्जना खनाल सचिव, नेविसंघका घनश्याम पौडेल कोषाध्यक्ष, सदस्यहरुमा नेविसंघकै शुशिल बेल्वासे, अनिशा शाही ठकुरी र शर्मीला पन्थीलाई एउटै प्यानल बनाएर नेपाल विद्यार्थी संघ, क्रान्तिकारी प्रचण्ड, क्रान्तिकारी विप्लव र नयाँ शक्ती विद्यार्थी युनियनको सहमतीमा एउटै प्यानल बनाएर अगाडी सारेको पत्रकार सम्मेलनमा जानकारी गराईएको छ । 

विसं २०६५ यता त्रिविमा स्ववियु निर्वाचन हुन सकेको छैन। त्रिविले पटक पटक निर्वाचन घोषणा गरे पनि स्थगन हुँदै आएको थियो।

---