खनदह । तस्बिर: फेसबूकबाट K
अर्जुन भुसाल
खनदह, अर्घाखाँची । अर्घाखाँची जिल्ला खनदह गा.वि.स.मा नेकपा माओवादी (केन्द्र) का राष्ट्रिय महाधिवेशन आयोजक कमिटी सदस्य जीवन चौहान सहित १८० जना माओवादी केन्द्रका नेता कार्यकर्ता नेकपा (एमाले) प्रवेश गरेका छन् ।
नेकपा (एमाले) जिल्ला कमिटी अध्यक्ष चेतनारायण आचार्यको प्रमुख आतिथ्यता, नेकपा (एमाले) जिल्ला कमिटी सचिवलाय सदस्य जनार्दन खनालको विशेष आतिथ्यता, जिल्ला कमिटी सदस्य तथा खनदह गाउँ कमिटी इन्चार्ज वालकृष्ण आचार्यको अध्यक्षता र खनदह गाउँ कमिटी अध्यक्ष डण्डपाणी पोख्रेलको संचालनमा उक्त पार्टी प्रवेश कार्यक्रम सम्पन्न भएको थियो ।
उक्त पार्टी प्रवेश कार्यक्रममा नेकपा माओवादी (केन्द्र) का राष्ट्रिय महाधिवेशन आयोजक कमिटी सदस्य जीवन चौहान, केन्द्रका जिल्ला कमिटी सदस्य फर्सुराम पोख्रेल, पूर्व गाउँ कमिटी अध्यक्ष विष्णु प्रसाद खनाल, पूर्व उपाध्यक्ष कुल प्रसाद खनाल, पूर्व सचिव वसन्ता गौतम, पूर्व गाउँ कमिटी सदस्यहरु नारायण पोख्रेल, मतिलाल खनाल, कमल चौहान, मधुसुदन पोख्रेल, रेमकला वि.क., इन्दिरा खनाल, सावित्रा खनाल, अनेमसंघ क्रान्तिकारी जिल्ला कमिटी सदस्य विमला चौहान, दिपा पोख्रेल, माओवादी केन्द्रका सदस्यहरु दिपनारायण चुदाँली, जिवलाल खनाल, खुविराम खनाल, टोपलाल गिरी लगायत १८० जना माओवादी केन्द्रका नेता कार्यकर्तालाई नेकपा (एमाले) जिल्ला कमिटी अध्यक्ष चेतनारायण आचार्यले अविर लगाई एमालेमा प्रवेश गराउनुभएको छ ।
आफ्नो मेहनत र पसिना एमालेमै खर्चिको र आफु आफ्नै पुरानो घरमा फर्किदा खुशि लागेको साथै मुलुकको आमुल परिवर्तन गर्न नेकपा एमाले मात्रै सक्षम रहेको प्रवेश पछि नेता जीवन चौहानले वताउनुभयो ।
कार्यक्रममा नेकपा (एमाले) जिल्ला कमिटी अध्यक्ष चेतनारायण आचार्यले नवप्रवेशीहरुलाई वधाई तथा शुभकामना दिदैं प्रवेशीहरुलाई एमालेमा उचित जिम्मेवारी प्रदान गर्न आफु प्रतिवद्ध रहेको वताउनुभयो । एमालेमा कसैलाई हेलाहोचो गरिनेछैन, सवैलाई उचित जिम्मेवारी प्रदान गरिनेछ । आगामी स्थानीय निर्वाचनमा एमालेलाई पहिलो शक्ति वनाउन सबै आफ्नो ठाउँवाट एकजुट भएर लाग्नुस् नेता आचार्यले भन्नुभयो ।
फाल्गुन ३० गते, २०७३ मा प्रकाशित
