घनश्याम पौडेल
सन्धिखर्क, अर्घाखाँची ( अर्घाखाँचीडट्कम) । वैशाख ३१ गते स्थानिय तहको निवार्चनका लागी अर्घाखाँचीमा म्यादी प्रहरीको छनौट प्रक्रिया पुरा भएको छ ।
आवेदन परेकाको प्रारम्भिक स्वास्थ्य परिक्षण, उचाई, छाती र तौल, १ किलोमिटर दौड, सिट अप र पुस अपमा म्यादी प्रहरीमा जान चाहानेहरुको प्राकटिकल भएको थियो ।
त्यस्तै लिखित परिक्षा र मौखिक पनी भई अन्तिम नामावली आज निस्केको हो । पाचँ सय अड्चालिस जनाको अन्तिम नामावली र एकासी जनाको बैकल्पिकमा नाम निकालीएको जिल्ला प्रहरी कार्यालयका प्रहरी नायव उपरिक्षक एकनारायण कोईरालाले जानकारी दिनुभयो ।
अठार सय २५ जनाको अर्घाखाँचीमा म्यादी प्रहरीका लागी आवेदन परेको थियो ।
साथै उत्तिर्ण सम्पुर्णलाई चैत्र २४ गते दिउसो १ बजे जिल्ला प्रहरी कार्यालय अर्घाखाँचीमा सम्पर्क गर्न अनुरोध समेत गरिएको छ ।
चैत्र २३ गते, २०७३ मा प्रकाशित
