अर्जुन भुसाल
सन्धिखर्क, अर्घाखाँची । नेकपा एमाले सन्धिखर्क नगरपालिका वडा नम्वर २ को भेला सम्पन्न भएको छ ।
नेकपा एमाले स्कूल विभागका केन्द्रीय सदस्य बुद्धिबहादुर रायमाझीको प्रमुख आतिथ्यतामा सम्पन्न भेलामा सन्धिखर्क नगर कमिटीका संयोजक युवराज श्रेष्ठ, जिल्ला सचिवालय सदस्यहरु इश्वरा पोख्रेल, वुद्धिराम भुसाल , जिल्ला कमिटी सदस्य तथा अनेम संघ केन्द्रीय सदस्य विजुला रायमाझी, नगर कमिटी सचिव श्रीकृष्ण भुसाल, चुनाव प्रचार प्रसार कमिटीका संयोजक वावुराम शर्मा लगायतको आतिथ्यता रहेको थियो । भेलाले टोपलाल खनालको संयोजकत्वमा २ सय ५५ सदस्यीय चुनाव प्रचार प्रसार कमिटीको गठन गरेको छ ।
यस्तै ठाकुर प्रसाद श्रेष्ठको संयोजकत्वमा आर्थिक व्यवस्थापन कमिटी, लाल बहादुर जिसीको संयोजकत्वमा ३१ सदस्यीय युवा परिचालन कमिटीको समेत गठन गरिएको छ । सो कार्यक्रममा विभिन्न पार्टी परित्याग गरि १२ जना एमालेमा प्रवेश गरेका छन् ।
भेलालाई सम्वोधन गर्दै प्रमुख अतिथि रायमाझीले स्थानीय तहको निर्वाचनमा एमालेको जित सुनिश्चित गराउन कार्यकर्तालाई चुनावमा होमिन आग्रह गर्नुभयो । उहाँले सन्धिखर्कमा एमालेले भारी मतले विजयी हासिल गर्ने बताउँदै एमालेको जितले मात्र सुन्दर समृद्ध सन्धिखर्क बन्न सक्ने बताउनुभयो ।
कार्यक्रम वडा २ का अध्यक्ष टोपलाल खनालको अध्यक्षता, वडा कमिटी सदस्य पदम भुसालको स्वागत मन्तव्य र वडा कमिटी सचिव नारायण खड्काको सञ्चालनमा सम्पन्न भएको छ ।
चैत्र २७ गते, २०७३ मा प्रकाशित
