हरि प्रसाद भुसाल
चुत्रावेसी, अर्घाखाँची । जिल्लाबाट सेवा सुरु गरेको केही दिनमै लंका यातायात र देउराली यातायात विच खटपट शुरु भएको छ ।
अर्घाखाँची जिल्लाबाट काठमाण्डौ र बुटवलसम्मको लागि यातयात सेवा प्रदान गर्नेगरी सेवा शुरु गरेको केही दिनमै विवाद सृजना भएको हो ।
वाटोमा गाडी राखेर सडक अवरुद्ध गर्दै लंका यातायातको स्कारपिओ
स्कारपिओ गाडीहरु मार्फत सेवा सुरु गरेको यातायातले सन्धिखर्क पुरानो बसपार्क र चुत्रावेसी बजारमा टिकट काउन्टर खोलेको थियो । चुत्रावेसीमा रहेको टिकट काउन्टरको वोर्ड चाइतिएपछि विवाद सिर्जना भएको हो ।
विवाद भएपछि भक्तिटोल चोकमा लागेको भिडभाड
चुत्रावेसी भक्तिटोल चोकमा राखिएको वोर्ड देउराली यातायात व्व्यवसायी समितीले नियतबस च्यातेको आरोप लगाउदै लंका यातायातले विहान केहीबेर चुत्रावेसीमा सडक अवरोध गरेको थियो । देउराली यातायातले भने आफुहरुले बोर्ड च्यात्नुपर्ने कुनै कारण नभएको भन्दै अनावश्यक विवाद नगर्न अनुरोध गरेको छ ।
केही समयदेखी देउराली यातायातका हाइसहरुले सन्धिखर्क, काठमाण्डौ र बुटवलका लागि हाइसहरु संचालन गरिरहेकोमा सोही रुटमा लंका यातायातले पनि सेवा संचालन गरेपछि दुइ पक्षविच विवाद सृजना भएको हो । आफु विधानसम्म दर्ता भएर आएका कारण निर्वाध रुपमा संचालन हुन पाउनुपर्ने अडान लंका यातायातको रहेको छ ।
जेष्ठ १९ गते, २०७४ मा प्रकाशित
