बल्कोट । फाइल तस्बिर
अर्जुन भुसाल
बल्कोट, अर्घाखाँची जेठ २७ । शिव मन्दिर महिला कृषि समुह छत्रदेव गाउँपालिका साविक बल्कोट ४ सानाबारीमा केयुविके कार्यक्रम अन्तर्गत जिल्ला गुणस्तरीय खाद्यन्न तथा तरकारी विउ उत्पादन उपभोक्ता उपआयोजनाको सार्वजनिक सुनुवाइ कार्यक्रम सम्पन्न भएको छ ।
केयुविकेको सहयोगमा समुहले ६ ओटा घौटा निर्माण गरि सिमि र गौको विउ उत्पादन गर्न लागेको छ । सार्वजनिक सुनुवाइमा नेपाली कांग्रेसका जिल्ला सचिव विष्णु भुसाल, एमालेका वडा अध्यक्ष तेजप्रसाद खनाल, समुहको तर्फबाट कमला पाण्डे, जमुना आचार्य लगायतले मन्तव्य राखेका थिए । उनीहरुले कृषकहरुको जीवन स्तर उकास्नका लागि केयुविकेको कार्यक्रम प्रभावकारी बन्ने विश्वास समेत व्यक्त गरे ।
कार्यक्रम मिना पाण्डेको अध्यक्षता, रुपा पाण्डेको स्वागत मन्तव्य र भुवना पन्थीको सञ्चालनमा सम्पन्न भएको थियो ।
जेष्ठ २७ गते, २०७४ मा प्रकाशित
