( पहिलो प्रकासित मिती: २०७४ श्रावण ९, सोमवार)
सुर्य प्रसाद भुसाल
बुटवल ( अर्घाखाँचीडट्कम) । नेपाली कांग्रेस अर्घाखाँचीका सभापति बिष्णु प्रसाद खनाल मुस्कानले अागामी प्रदेश र केन्द्रीय निर्बाचनमा नेपाली काङ्ग्रेस पहिलो पार्टी बन्ने बताउनु भएको छ ।
अर्घाखाँचीबाट रुपन्देहीमा अाएर बसोबास गर्ने अर्घाखाँचीबासीहरुले रुपन्देहीमा अायोजना गरेको सम्मान कार्यक्रममा बोल्दै मुस्कानले अाफ्नै पार्टीका नेताहरुका कारण स्थानिय निकायको निर्बाचनमा कतिपय ठाउँमा पराजय हुनु दु:खद भएको बताउनु भयो । उहाले काङ्ग्रेसको नेतृत्वमा मात्र बिकास निर्माणका कामहरु सम्भब रहेको बताउदै संगठन बिस्तारमा लाग्न र प्रदेशको निर्बाचनमा अर्घाखाँचीबाट दुई तिहाई मतले जित हासिल गर्ने बताउनु भयो ।
कार्यक्रममा नेपाली काङ्ग्रेसका बरिष्ठ नेता तथा सन्धिखर्क नगरपालिकाका प्रमुख कमल प्रसाद भुसालले नमुना नगर बनाउनका लागि अाफुले गृहकार्य सुरु गरिसकेको बताउनु भयो । उहाले सन्धिखर्कको बिकास निर्माणलाई अाफुले जनताका सामु सार्बजनिक गरेको घोषणापत्र अनुसार अगाडि बढाउने बताउदै ग्रिन सिटिको रुपमा सन्धिखर्कलाई अगाडि बढाउने बताउुनु भयो । उहाले भष्टचार मुक्त सन्धिखर्क बनाउने बताउदै सहमति सहकार्य एकताबाट जिल्लाको बिकासलाई अगाडि बढाउने बताउनु भयो ।
कार्यक्रममा नेपाली काङ्ग्रेस बुटवल उपमहानगरपालिकाका सभापति खेलराज पान्डेले अरु पार्टीका कारण नभई अाफ्नै पार्टीका कारण अाफुले चुनाब हारेको जिकिर गर्नु भयो । कार्यक्रममा उहाले अागामी चुनाबमा एमाले नेता बिष्णु पौडेलसँग चुनाब लड्ने दावी गर्नु भयो ।
कार्यक्रममा नेपाली काङ्ग्रेस अर्घाखाँचीका जिल्ला सदस्य माधब भुसाल, सगिता बेल्बासे, महाधिबेसन प्रतिनिधि अहमत हुसेन, नेबिसघका केन्द्रीय सदस्य टक पान्डे, पत्रकार महासंघ अर्घाखाँचीका सचिब सुर्य प्रसाद भुसाल लगायतले मन्तब्य राख्नु भएको थियोे ।
कार्यक्रम तुल्सि भुसालको अध्यक्षता बिनोद घिमिरेको सन्चालनमा सम्पन्न भएको हो ।
श्रावण १० गते, २०७४ मा प्रकाशित
