विनोद गैरे
पोखेडाँडा, अर्घाखाँची । अर्घाखाँची जिल्ला भूमिकास्थान नगरपालिका वडा नं. ८ बन्चरे गौडा (पोखेडाँडा नजिकै) देउराली यातायातको सवारी जिप दुर्घटना हुँदा ६ जना घाईते भएका छन् ।
नुवाकोटको पाखेडाँडाबाट सन्धिखर्क आउँदै गरेको लु १ ज २६६४ नं. को जीप दुर्घटना भएको हो ।
तीजको मेला हेर्न गएका मानिस जीपमा सवार थिए । घाइते हुनेहरुमा गाडी धनी सन्धिखर्क २ चुत्रावेशीका २२ वर्षिय सुरज भुसाल, गाडी चालक प्यूठान सारीवाङ्गका ३४ वर्षिय माधव पराजुली, सन्धिखर्क ८ किमडाँडाका ५१ वर्षिय खुमानन्द वञ्जाडे, प्यूठान दमारका २० वर्षिय पुरन परियार, प्युठान वडाचौरका २० वर्षिय सुनिल क्षेत्री र सन्धिखर्क २ का १८ वर्षिय विकास भुसाल रहेको प्रहरीले जनाएको छ ।
घाइते मध्ये पाँच जनाको जिल्ला अस्पतालमा उपचार हुन नसकेपछि वुटवल रिफर गरिएको छ । तीन जनाको अवस्था गम्भीर रहेको अस्पतालले जनाएको छ । जीप सडकबाट करिव सवा सय मिटर तल खसेको थियो ।
रातको समयमा दुर्घटना भएकाले दुर्घटनाको कारण पत्ता लागि नसकेको जिल्ला प्रहरी कार्यालयका प्रमुख डिएसपी एकनारायण कोइरालाले बताउनुभयो ।
भाद्र ९ गते, २०७४ मा प्रकाशित
