अमेरिकी राज्य युताको एक अस्पतालमा प्रहरीले आफ्नो आफन्तको उपचारका लागि अर्धचेत बिरामीको रगत तान्न अस्विकार गर्ने नर्सलाई पक्राउ गरी यातना दिएको घटनामथि अनुसन्धान सुरु भएको छ ।
गत जुलाई २६ मा साल्ट लेक सिटीस्थित एक अस्पतालमा कार्यरत नर्स अलेक्स वब्बललाई प्रहरीले भनेको नमानेपछि नियन्त्रणमा लिइ करिब २० मिनेटसम्म प्रहरीकै गाडीमा वन्दी बनाएका थिए ।
उक्त घटनाको श्रब्यदृष्य सामग्री (भिडियो फुटेज)ले सामाजिक सन्जालमा चर्चा लिन थालेपछि यस घटनामा दोषी भनी आरोपित दुई प्रहरीसहित एक अधिकारीमाथि अनुसन्धान सुरु भएको हो । साथै, प्रहरी प्रमुखले दुई प्रहरीमाथि घटनाको अनुसन्धान नगरी प्रशासनिक विदामा बसेको आरोप पनि लगाएको छ ।
प्रहरीको शरिरमा रहेको क्यामेरा तथा अस्पतालको सिसी क्यामेरामा रहेको दृष्यमा ती नर्सलाई अस्पतालबाट हतकडी लगाएर प्रहरी कारमा करिब २० मिनेटसम्म बन्दी बनाएको र ती महिला चिच्याउँदै गरेको देखिइएको छ ।
सामाजिक सन्जालमा सार्वजनिक उक्त भिडियोमा ती नर्सले ‘मैले गल्ति गरेको छैन मलाई दुःख दिँदै हुनुहुन्छ । यसो नगर्नुस रोक्नुस’ भनी चिच्याएको देखिएको छ ।
अस्पतालका प्रवक्ता सुजाने विनचेस्टरले नर्सलाई अस्पताल प्रशासनको हस्तक्षेपपछि छुटाइएको बताए ।
विनचेस्टरले भने, यो असाधारण घटना हो । सबै यसबाट स्तब्ध भएका छौँ । बिरामीको अनुमतिविना नै रगत निकाल्न दवाव दिएको भए यसमा सम्लग्न दोषीमाथि कारबाही हुनुपर्छ । रासस/ एएफपी
भाद्र १७ गते, २०७४ मा प्रकाशित
