जिल्ला अस्पताल अर्घाखाँचीमा । तस्बिर: सहयोगी बिसी
अर्घाखाँचीडट्कम संवाददाता
गच्छेबजार, अर्घाखाँची ( अर्घाखाँचीडट्कम) । अर्घाखाँची जिल्लाको सन्धिखर्क वार्ड नं ७ ( साविक खाचिकोट ) गच्छेबजारमा मंगलबार अचेत अवस्थामा फेला परेका एक व्यक्तीको मृत्यु भएको छ ।
गच्छेखोला बजार नजिकको खेतमा फेला परेका परिचय खुल्न नसकेका अन्दाजी ५० वर्षका व्यक्तीको स्थानियबासीले प्रहरीलाई खबर गरेपछि प्रहरी निरीक्षक प्रदीप कुमार डिसीको प्रहरी टोलीले उद्दार गरी अस्पताल पुर्याएको थियो । पछि जिल्ला अस्पताल अर्घाखाँचीले निजलाई मृत घोषणा गरेको थिए ।
ढाकाटोपी, चप्पल, कालो टिसर्ट र कालो पएन्ट लगाएको ब्यक्तिको अहिलेसम्म केही पहिचान हुन सकेको छैन। शब जिल्ला अस्पतालमा रहेको छ ।
यस सम्बन्धमा प्रहरीले आवश्यक अनुसन्धान गरिरहेको बताएको छ ।
भाद्र २८ गते, २०७४ मा प्रकाशित
