सन्धिखर्क नगरपालिका वार्ड नम्बर ७ प्रगतीनगरमा
अर्घाखाँचीडट्कम संवाददाता
सन्धिखर्क, अर्घाखाँची ( अर्घाखाँचीडट्कम) । अर्घाखाँचीमा बाघ आतङ्कले जिल्लावासी त्रसित भईरहे पनि सुरक्षाको प्रत्याभुति दिलाउन असफल भएको आरोप खेपिरहेको प्रहरी प्रशासनले भोली बिहीवार देखि बाघ मार्नका लागि बिशेष प्रहरी परिचालन गर्ने भएको छ ।
मंगलबार साँझ सन्धिखर्क नगरपालिका वार्ड नम्बर ७ प्रगतीनगर ( साविक खाचिकोट – ६ भालुखोला बाजाबारी) का रमेश के.सी र निर्मला के.सीको वर्ष ४ को कान्छो छोरो मनिष केसीलाई बाघले खाएपछि आज बिहानै बसेको अापतकालिन सुरक्षा बैठकले भोली देखि बाघ मार्नका लागि प्रहरी परिचालन गर्ने निर्यण गरेको हो । बाघ मार्नका लागि सदरमुकाम सन्धिखर्कको कुर, किमडाँडा, नुवाकोट, ढिकुरा र खाँचीकोट लगायतका क्षेत्रमा हतियारसहित प्रहरी परिचालन गरिने छ ।
मंगलबार भालुखोलामा बच्चा खाएसँगै बाघ मार्नु पर्ने व्यापक गुनासो आएपछि बाघ मार्नका लागि प्रहरी परिचालन गर्ने निर्यण भएको सहायक प्रमुख जिल्ला अधिकारी नारायण खत्रीले अर्घाखाँचीडट्कमलाई बताए ।
खत्रीका अनुसार आज बिहानै बसेको अापतकालिन सुरक्षा बैठकमा बिगतलाई अध्ययन बिश्लेषण गरी जनतालाई सुरक्षाको प्रत्याभुति दिलाउन अबकाे प्रयास र बिकल्पबारे छलफल भएको थियो । साथै नियम अनि सुरक्षालाई बिशेष महत्वबाट हेरिएकाे छ । जिल्लामा अनेक चुनाैती, समस्या छन तर पनि हामी समस्या समाधान गर्न तत्पर र प्रयास अझ लक्ष्यन्मुख रहेका छौ, खत्रीले भने ।
प्रगतिनगर भालुखोलामा सुरक्षा टिम, नगरपालिकाका प्रतिनिधिहरु पुगे
उता अाजै जिल्ला सुरक्षा टिमले हिजो भएको घटनास्थल र परिवार समक्ष पुगेर दुख व्यक्त गरेको छ । घटनास्थल प्रगतिनगर भालुखोलामा सन्धिखर्क नगरपालिका मेयर कमल प्रसाद भुसाल, उपमेयर ठाकुर कुमार विक, नवनियुक्त प्रमुख जिल्ला अधिकारी खिमराज भूसाल, डिएस्पी एकनारायण कोइराला, गुल्मपति, सन्धिखर्क – ७ का वार्ड अद्क्ष्य प्रितम थापा लगायत जिल्लाका उच्च सरकारी अधिकारीहरु पुगेका थिए । उनिहरुले पीडित परिवार प्रति हार्दिक सहानुभूति प्रकट तथा हार्दिक श्रद्धाञ्जली गरेका थिए । साथै उक्त अवसरमा अबका प्रयासबारे स्थानियसंग छलफल भएकाे र जिल्लाकाे सुरक्षार्थ प्रशासन सदैब जनहितमा तत्पर रहेको बताएका थिए ।
साथै वन्यजन्तुको आक्रमणमा पारी ज्यान गुमाउने क्षत्तिपुर्ति ब्यवस्था अनुसार जिल्ला वन विभागले प्रगतीनगर भालुखोलाका बाघ आक्रमणमा ज्यान गुमाएका मनिष के.सीका परिवारलाई १० लाख रुपैया दिने भएको छ ।
पटक-पटक बाघको आक्रमणबाट अबोध बालबालिकाको ज्यान जाँदा समेत बाघ मार्न प्रशासन लागी नपरेको गुनासो जिल्लाबासीको छ ।
जिल्लामा गएको २,३ वर्ष भित्र लगभग एक दर्जन बालबच्चाको बाघको आक्रमणबाट ज्यान गएको छ ।
जिल्लामा बाघ आक्रमण र आतंक बढ्दै गएको लामो समय हुँदा समेत प्रहरी प्रशासनले बाघ मार्नका लागि अहिले सम्म महत्वपूर्ण भूमिका खेल्न सकेको छैन् । प्रशासनले घट्ना घटेपछि बाघ मार्नका लागि प्रहरी परिचालन गर्ने योजना पटक-पटक बनाएता पनि अहिले सम्म सफल हुन सकेको छैन् ।
यस अगाडि पनि बाघ मार्नु पर्ने व्यापक गुनासो आएपछि बाघ मार्नका लागि प्रशासनले २,४ दिन प्रहरी परिचालन गराएता पनि उपलब्धी शुन्य रहेको छ । अर्घाखाँची नेपालको अन्य भेगमा भन्दा बढी बाघले आतङ्क मच्चाएको जिल्ला हो । विधालय आउँदा जाँदा होस् कि साँझ विहान घरको आगनमा खेल्दा होस् यहाँ बच्चाहरुको सुरक्षा छैन ।
उता अर्घाखाँचीमा बारम्बार यस्ता घटना हुँदाहुदै पनि जनचेतना कमि-कमजोरी भएको देखिन्छ । घटना हुँदाको दुई चार हप्ता आफ्ना बालबालिकालाई ध्यानमा राखेको देखिन्छ अनि त्यसपछि घटना भुलेको देखिन्छ । बाघले कुनै पनि समयमा हमला गर्न सक्ने भएकोले साँझ बिहान रातीमा बच्चालाई एक छिन पनि एक्लै छोड्न नहुने देखिन्छ ।
बाघ आतंक बढ्दै गएपछि खाचिकोट, ढिकुरा, नुवाकोट, सन्धिखर्क, किमडाँडा लगायतका स्थानिय बासिन्दाले जिल्ला प्रशासन कार्यालयमा २,३ वर्ष देखि बारम्बार जिउधनको रक्षाको लागि आग्रह गरिरहेका छन् । उनिहरुले नरभक्षी बाघलाई पक्रिएर जनताको शान्तिसँग बाँच्न पाउने अधिकार सुरक्षित गर्न माग गरेता पनि जिल्लामा २,३ वर्षको अवधिमा कयौ प्रमुख जिल्ला अधिकारी, प्रहरी प्रमुख आए तर ति सबैले जनताको समस्या कहिलै सुनेनन् । यस जिल्लामा कुनै निकायले यसलाई चासो देखाएनन् ।
उता सन्धिखर्क, खाचिकोट, ढिकुरा लगायतका स्थानियबासीले अर्घाखाँचीमा निरन्तर बाघको आक्रमणबाट ठुलो मानविय क्षती भएपछि जिल्लालाई संकटग्रस्त क्षेत्रको घोषणा गर्न माग गरेका छन् । सरकारले बाघलाई पक्रन वा मार्नको निम्ती पहल नगरे गाउँ छाड्न बाध्य हुने उनिहरुको भनाई छ ।
सम्बन्धित समाचार:-
भाद्र २८ गते, २०७४ मा प्रकाशित
