अर्घाखाँचीडट्कम संवाददता
अर्घा, अर्घाखाँची । अर्घाखाँची जिल्लाको सन्धिखर्क नगरपालिका- १० (साविक अर्घा ९) माटेमा सालझण्डी ढाेरपाटन सडकबाट ढुङ्गा खस्दा एक घर पूर्ण रुपमा क्षति हुनुका साथै एक परिवार ज्यान जोगाउन सफल भएका छन् ।
अर्घाखाँची माटेका सिद्धिमान चाैहानकाे घरमा गए राति सालझण्डी ढाेरपाटन सडककाे ढुङ्गा पल्टिदा पूर्ण क्षति भएकाे हो । उक्त घरमा भाडा गरि बस्ने गाेखुङ्गाका पुरन पुनमगर, प्रेम पुनमगर, जुना पुनमगर र सिता पुनमगर ज्यान वचाउन सफल भएका हुन् ।
उनिहरु हल्का घाइते भएकाले राती नै स्थानिय खिम चाैहानकाे पहलमा जिल्ला अस्पतालमा उपचार गरि लगिएकाे छ ।
तस्बिर: हिम बहादुर जिसी
आश्विन १ गते, २०७४ मा प्रकाशित
