कर्मचारीको चरम लाहप्रवाहीका कारण लोडसेडिङ मुक्त अर्घाखाँचीमा दैनिक १२, १५ पटक लाईन कटौती

सन्धिखर्क, अर्घाखाँची ( अर्घाखाँचीडट्कम) । नेपाल विद्युत प्राधिकरण शाखा अर्घाखाँचीका कर्मचारीको चरम लाहप्रवाहीका कारण जिल्लामा दिनमै १२, १५ पटक भन्दा वढी लाईन कटौती भएको छ ।

लोडसेडिङ मुक्त जिल्ला भए पनि कर्मचारीको हेलचेक्राईको कारण लामो समय देखि दैनिक १२, १५ पटक भन्दा वढी लाईन कटौती भएको हो । 

विद्युत प्राधिकरणमा फोन गरेर ग्राहकले सम्पर्क गर्दा कहिले झिम्रुकमा सिस्टम खरावी भएर लाईन गएको जानकारी गराएपनि जिल्लामै खराबीका कारण लाइन काटीएको देखिन्छ । यस्तै जथाभावी रुखले लाईनका तारहरु छोएको अबस्था देखिन्छ । 

 

पटक पटक लामो समयसम्म विद्युत काटीरहनु प्राधिकरण कर्मचारीको लार्पबाही भएको उपभोक्ताहरुको गुनासो रहेको छ । 

कर्मचारीहरु तलब भन्दा वढि ओटि खाने र विद्युत वितरणमा लाहप्रवाही भने गरिरहने भन्दै उपभोक्ताले गुनासो पोखेको पाइन्छ । प्राधिकरण शाखा अर्घाखाँचीमा स्थायी ३० जना भन्दा वढि कर्मचारी र अस्थायी १४ जना  कर्मचारी कार्यरत छन् तर ती कर्मचारी कार्यालयमा समयमा नआउने र फिल्ड भनेर अन्य काममा व्यस्त भएको पाइन्छ । 

उता  नेपाल विधुत प्राधिकरण अर्घाखाँची शाखाको चरम लापरवाहीका कारण सेवाग्राहीहरुले सास्ती व्यहोर्नु परेको छ ।