अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । मलेसियामा सम्पन्न आइसीसी अन्डर नाइन्टिन क्रिकेट खेलमा प्रथम स्थान हासिल गरेको नेपाली टिमका एक महत्त्वपूर्ण खेलाडी बिक्रम कुमार भुसाललाई गृह जिल्ला अर्घाखाँचीमा भब्य स्वागत अभिनन्दन गरिएको छ ।
जिल्लाको तत्कालीन खन ४ मखात हाल सम्धिखर्क नगरपालिका वडा नं १ निबासी गिरि प्रसाद भुसाल र कमला भुसालका जेठो छोरा बिक्रम कुमार भुसाल हालै मलेसियामा भएको आइसीसी अन्डर नाइन्टिन क्रिकेट खेलमा प्रथम स्थान हासिल गरि गृह जिल्ला अर्घाखाँची फर्कने क्रममा अर्घाखाँची क्रिकेट एकेडमी लगायतका संघ-संस्थाले भब्य स्वागत तथा अभिनन्दन गरेका हुन् ।
यस्तै भुसाललाई सन्धिखर्क नगरपालिकाका मेयर कमल प्रसाद भुसाल, उपमेयर ठाकुर कुमार बिक, नेपाली कांग्रेसका जिल्ला सभापती विष्णु प्रसाद खनाल (मुस्कान) लगायतली अविर लगाई स्वागत तथा अभिनन्दन गरेका थिए । भुसाललाई स्वागत तथा अभिनन्दनका क्रममा सन्धिखर्क बजारमा परिक्रमा गराइएको थियो ।
तस्बिर: सहयोगी बिसीबाट
आश्विन ४ गते, २०७४ मा प्रकाशित
