अर्घाखाँचीमा टोप बहादुर रायमाझीद्वारा चुनावी तालमेलको लागि एमालेलाई प्राथमिकता

सन्धिखर्क, अर्घाखाँची ( अर्घाखाँचीडट्कम) । आगामी मंसिर २१ गते हुन गैइरहेको प्रदेशसभा र प्रतिनिधि सभाको चुनावी तालमेलबारे अर्घाखाँची जिल्लामा गृहकार्य सुरु भएको छ । यही क्रममा अर्घाखाँचीमा माओवादी केन्द्रले नेकपा एमालेलाई चुनावी तालमेलको लागि पहिलो प्राथमिकता दिएको स्रोतले बताएको छ । 

अर्घाखाँची जिल्लामा प्रतिनिधि सभाका लागि एउटा मात्र निर्वाचन क्षेत्र निर्धारण गरिए लगतै माओवादी केन्द्रको तर्फबाट टोप बहादुर रायमाझी उठने लगभग पक्का भएको छ । रायमाझीले अर्घाखाँचीमा नेपाली कांग्रेस भन्दा एमालेसँग चुनावी तालमेलको लागि प्राथमिकता दिएका छन् । एमालेबाट प्रतिनिधिसभाका लागि बलियो उम्मेदवार नभएको र प्रदेशसभा एमालेलाई दिएर तलमेल गर्न सकिने माओवादी केन्द्रको ठहर छ । एमालेबाट चेतनारायण आचार्य, पिताम्बर भुसाल, नरेन्द्र कुमार क्षेत्री र डा. दुमनसिंह थापाको नाम चर्चामा छ । समय समयमा विवादित परेका सांसद दुमनसिंह थापा क्षेत्रीलाई जिल्लाबाट टिकट नदिने पक्षमा जिल्ला स्तरिय नेताको संख्या धेरै रहेको स्रोतले बताएको छ । पहिलो र दोस्रो संविधानसभा निर्वाचनमा क्षेत्र नम्बर १ बाट चेतनारायण आचार्य र नरेन्द्र कुमार क्षेत्री माओवादीका टोप बहादुर रायमाझीसँग पराजित भएका थिए । रायमाझीले प्रदेशसभाका २ क्षेत्र दिएर भएपनि एमाले वा कांग्रेससँग तालमेल गर्ने मनस्थिती बनाएको स्रोतले उल्लेख गरेको छ । 

उता नेपाली कांग्रेसबाट प्रतिनिधि सभाको लागि पुष्पा भुसाल, मान बहादुर बिक, रेवती प्रसाद भुसाल र डाक्टर रामबहादुर बिसीको नाम चर्चामा छ । उनिहरुले टिकट पाउनको लागि कसरत शुरु गरेका छन् । उनिहरु मध्ये जोसुकै उठेपनि प्रतिनिधि सभाको लागि टिकट छोडेर तालमेल गर्ने संभावना कम रहेको छ ।  कांग्रेसले प्रदेशसभामा कुनै एउटा प्रदेश क्षेत्र दिएर माओवादी केन्द्रसँग तालमेल गर्न सक्ने स्रोतले बताएको छ । पुष्पा भुसाल, मान बहादुर बिक, रेवती प्रसाद भुसाल र डाक्टर रामबहादुर बिसी जोसुकै उठेपनि उनिहरुले तालमेल गर्नुपरेमा प्रदेश सभाका २ क्षेत्र दिएर भएपनि प्रतिनिधि सभाको टिकटका लागि माओवादी केन्द्रसँग तालमेल गर्ने सक्ने एकपक्षिय भित्री मनस्थिती बनाएको स्रोतको बताएको छ ।  जुन टोप बहादुर रायमाझीले मान्ने अवस्था छैन ।

प्रदेश तथा प्रतिनिधि सभाको लागि मंसिर २१ गतेको मिति तय भएपछि उम्मेद्धारहरुको हुने भन्ने अर्घाखाँचीमा चर्चा चल्न थालेको छ । प्रदेशको लागि २ र प्रतिनिधि सभाको लागि १ निर्बाचन क्षेत्र निर्धारण भएपछि कांग्रेस, एमाले र माओवादीमा टिकट कस्ले पाउने भन्ने बिषय जिल्लामा बहसको बिषय बनेको छ । 

  चिया पसल, चौतारा, तथा चोकहरुमा फलानो पाटीबाट फलानो उम्मेद्धार हुने होला, फलानोले पायो भने जित्न सक्छ, फलनाको पकड राम्रो छ जस्ता कुराहरु हुन थालेका छन । 

  नेपाली कांग्रेसबाट प्रतिनिधि सभाको लागि पुस्पा भुसाल, मान बहादुर बिक, रेवती प्रसाद भुसाल र डाक्टर रामबहादुर बिसीको नाम चर्चामा छ । भने प्रदेसको लागि निर्बाचन क्षेत्र नम्बर १ मा बिष्णु खनाल (मुस्कान), हरि बहादुर खड्का, कृष्ण प्रसाद खनाल, बाबुराम पौडेल, निर्मला क्षेत्री र अनिता ज्ञवालीको नाम चर्चामा छ । निर्बाचन क्षेत्र नम्वर २ मा इन्द्रमणि पौडेल,  यादव प्रसाद घिमिरे, छविलाल पौडेल, हिम्मत टण्डन र श्यामनाथ कास्यपको नाम चर्चामा छ । 

एमालेबाट केन्द्रको लागि चेतनारायण आचार्य, पिताम्बर भुसाल, नरेन्द्र कुमार क्षेत्री र डा. दुमनसिंह थापाको नाम चर्चामा छ । प्रदेस सभाकोलागि निर्बाचन क्षेत्र नम्वर १ बाट  जनार्दन खनाल, शालिकराम आचार्य, राम बहादुर चौहान, पिताम्बर भुसाल, खुविराम आचार्य, र सरोज भुसालको नाम चर्चामा रहेको छ । निर्बाचन क्षेत्र नम्वर २ मा प्रेमनारायण गैरे, रामजी प्रसाद घिमिरे र  कृष्ण प्रसाद श्रेष्ठको  नाम चर्चामा छ । 

नेकपा माओवादी केन्द्रबाट प्रतिनिधिसभाको लागि टोप बहादुर रायमाझीले पक्कपक्की भएको छ । प्रदेस सभाको निर्बाचन क्षेत्र नम्वर १ को लागि चन्द्र बहादुर खड्काको नाम चर्चामा रहेको छ । 

क) सन्धिखर्क नगरपालिकाका ४,५,८,९,१०,११,१२ नं वार्ड

ख) भूमिकास्थान नगरपालिकाका १,२,३,४ नं वार्ड

ग) मालारानी गाउँपालिका

घ) छत्रदेब गाउँपालिका 

क) सन्धिखर्क नगरपालिकाका  १,२,३,६,७ नं वार्ड

ख) भूमिकास्थान नगरपालिकाका ५,६,७,८,९,१०, नं वार्ड

घ) शीतगंगा नगरपालिका

ग) पाणिनी गाउँपालिका