अर्घाखाँचीडट्कम संवाददाता
सन्धिखर्क, अर्घाखाँची ( अर्घाखाँचीडट्कम) । जिल्ला खेलकुद विकास समितिको आयोजनामा सन्धिखर्कमा सम्पन्न भएको स्थानीय तह स्तरीय भलिवल प्रतियोगितामा शितगंगा नगरपालिका प्रथम भएको छ । शितगंगा नगरपालिकाले सन्धिखर्क नगरपालिकालाई पराजित गरेको थियो ।
भलिवल प्रतियोगितामा सन्धिखर्क नगरपालिका दोस्रो र पाणिनी गाउँपालीका तेस्रो भएको छ । मालारानी गाउाँपालिकालाई पराजय गर्दै पाणिनी गाउँपालीका तेस्रो भएको हो । प्रतियोगितामा प्रथम हुनेलाई २५ हजार, दोस्रो हुनेलाई २० हजार र तेस्रोलाई १५ हजार रुपैया सहित पुरस्कार र प्रमाणापत्र प्रदान गरिएको थियो ।
प्रतियोगितामा प्रथम, द्धितिय र तृतिय हुनेलाई प्रमुख जिल्ला अधिकारी खिमराज भुसाल र जिल्ला खेलकुद विकास समितिका अध्यक्ष सिद्धिप्रसाद भुसालले संयुक्त रुपमा पुरस्कार वितरण गरेका थिए ।
शुक्रबार देखि सुरु हुने खेल वर्षादका कारण शनिवार उद्घाटन गरिएको हो । खेल आईताबारसम्म चलेको थियो ।
आश्विन ८ गते, २०७४ मा प्रकाशित
