पूर्वी भारतीय राज्य झारखन्डमा रहेको पटाका कारखानामा भएको आगलागीका कारण आठ व्यक्तिको मृत्यु भएको छ ।
यस आगलागीमा परी अन्य २५ जना घाइते भएका प्रहरीले जानकारी दिएको छ । गैरकानूनी रुपमा सन्चालनमा रहेको यस कारखानामा सोमबार आगलागी भएको थियो ।
प्रहरीले यस समाचारको विस्तृत विवरण भने दिएको छैन । उक्त कारखानामा अवैध रुपमा सन्चालन गरिएको र त्यहाँ भएको विस्फोटमा परी आठजनाको मृत्यु भएको र अरु २५ जना घाइते भएको जनाएको छ ।
घाइतेमध्ये अधिकांशको अवस्था चिन्ताजनक छ । उनीहरुलाई अस्पताल भर्ना गरिएको छ । मृतकको सङ्ख्या अझै बढ्नसक्ने समेत प्रहरीले अनुमान गरेको छ ।
कारखानामा के कसरी आगलागीको घटना भयो भन्ने बारेमा अनुसन्धान सुर भएको प्रहरीले जनाइएको छ । रासस/सिन्ह्वा
आश्विन ९ गते, २०७४ मा प्रकाशित
