अर्घाखाँचीडट्कम संवाददाता
सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ९ चुदाली पोखरमा सृजनशिल युबा क्लबको आयोजनामा प्रथम साधारण सभा तथा खुल्ला लोक नृत्य कार्यक्रम सम्पन्न भएको छ ।
हाम्रो संस्कृति हाम्रो पहिचान, शिक्षा, स्वास्थ्य, खेलकुद र कृषि बिकासमा युवा अभियान भन्ने नाराका साथ खोलिएको सृजनशिल युबा क्लब सन्धिखर्क ९ चुदाली पोखरको प्रथम साघारण सभा तथा खुल्ला लोक नृत्य कार्यक्रम सम्पन्न भएको हो ।
सो कार्यक्रमको उदघाटन नेकपा एमाले जिल्ला कमिटीका अध्यक्ष चेतनारायण आचार्यले गरेका थिए । उनले आफु आगामी संघिय र प्रदेश मघ्ये एकमा संसद उम्मेदवार बन्ने संकेत गरेका थिए । उनले आगामी निर्वाचनमा कुनै न कुनै पदमा पार्टीले जिम्मेवारी दिएमा आफू उम्मेदवार बनेर तपाईंहरु बिच आउने नभए पार्टीको उम्मेदवारलाई लिएर आउने बताए ।
कार्यक्रममा सोही वडाका अध्यक्ष देबि बहादुर रायमाझीले सम्पुर्ण पुर्बाग्राही भावना त्यागेर जनप्रतिनिधिलाई सबैले सहयोग गर्नु पर्ने र आफुहरु निर्वाचनमा बिजयी भएपछि वडाका सबै जनसमुदायको साझा ब्यक्ती भएकोले त्यही अनुसारको अभिभाबकत्व आफुले निर्बाह गर्ने प्रतिबद्धता जनाए ।
क्लबका अध्यक्ष प्रकाश भुसालको अध्यक्षता वसन्त केसीको संचालनमा सम्पन्न कार्यक्रममा कमल सौराग, मोहित मुनाल दामोदर भुसाल, सागर खड्का संगम लगायतका कलाकारहरुले गित संगितबाट मनोरञ्जन प्रदान गर्नुको साथ साथै स्थानीय कलाकारद्वारा बिबिध नृत्य प्रस्तुत गरिएको थियो ।
सो कार्यक्रममा राष्ट्रिय लोक तथा दोहोरी गित प्रतिस्ठान नेपालका जिल्ला अध्यक्ष सहयोगी बिसी, क्लबका सल्लाहकार खुबिराम आचार्य, घनश्याम आचार्य लगायतले क्लबले स्थानिय स्तरमा सृजनशिल काम गरि अग्रणी स्थान काम गरेकोमा धन्यवाद ज्ञापन गरिएको थियो ।
आश्विन १२ गते, २०७४ मा प्रकाशित
