अर्घाखाँचीडट्कम संवाददाता
ठाडा, अर्घाखाँची ( अर्घाखाँचीडट्कम) । नेकपा एमाले शितगंगा नगर कमिटीको आयोजनामा नगर स्तरीय कार्यकर्ता भेला ठाडामा सम्पन्न भएको छ ।
शितगंगा नगर भित्रका करिब २५० जना अगुवा पार्टी कार्यकर्ताको भेलालाइ सम्बोधन गर्दै एमाले जिल्ला अध्यक्ष चेतनारायण आचार्यले स्थानीय चुनावमा पार्टीले पराजय भोग्न परेपनि आसन्न प्रतिनिधि तथा प्रदेशको निर्बाचनमा जिल्लामा एमालेले ३ वटै क्षेत्रमा बिजय हासिल गर्ने दावी गर्नु भयो।
उहाले हिजो पन्चायतमा पनि ४ जना जनपक्षीय प्रधानपन्चले जनताको पक्षमा दृढता पूर्वक लडाइँ लडेको इतिहासको स्मरण गराउदै अहिले अल्पमत परेपनी बहुमतको आडमा हुने गलत कामकारबाही रोक्न कुनै कसर बाँकी नराख्न जनप्रतिनिधिहरूलाइ निर्देशन दिनु भएको थियो ।
नेकपा एमाले शितगंगा नगर कमिटीका संयोजक बसन्त श्रेष्ठको अध्यक्षतामा, सचीव ऋषि घिमिरेको सन्चालन र सह-संयोजक काशीराम आचार्यले स्वागत गर्नु भएको भेलामा नेकपा एमाले ५ नम्बर प्रदेश संगठन कमिटीका सदस्यहरू रामजी प्रसाद घिमिरे र पिताम्बर भुसाल केन्द्रिय पार्टी स्कुल बिभाग सदस्य बुद्धि बहादुर रायमाझी, जिल्ला उपाध्यक्ष जीबनारायण कोइराला, सचीव राम बहादुर चौहान, उपसचिव प्रेमनारायण गैरे, जिल्ला कमिटी सदस्य गीता भाट लगायतका नेताहरूले पार्टी संगठन निर्माण आगामी निर्वाचन बामपंथी तालमेल र पार्टी एकताको बिसयमा प्रशिक्षण मूलक मन्तव्य राख्नु भएको थियो ।
आश्विन २६ गते, २०७४ मा प्रकाशित
