सन्धिखर्क, अर्घाखाँची (अर्घाखाँचीडट्कम) । अर्घाखाँची युवा परिषद सन्धिखर्ककाे आयाेजनामा सम्पन्न अन्तरपालिका स्तरीय एवाईसी रनिङ सिल्ड भलिबल प्रतियोगिताको उपाधी भुमिकास्थान नगरपालिकाले जितेको छ ।
बेस्ट अफ फाइपमा भएको फाइनल खेलमा शितगङ्गा नगरपालिकालाई ३-० को सोझो सेटमा पराजित गर्दै भुमिकास्थान नगरपालिकाको टिमले उपाधिमा कब्जा जमाएको हो । यस्तै सितगंगा नगरपालिका द्धितृय तथा पाणिनी गाउँपालिका तृतिय भएका छन् ।
प्रतियोगितामा प्रथम भुमिकास्थानले ५० हजार, द्धितृय सितगंगाले ३० हजार र तृतिय पाणिनी गाउँपालिकाले २० हजार नगद सहित शिल्ड, मेडल र प्रमाणपत्र जिल्ला समन्वय समितीका प्रमुख पिताम्बर शर्मा, सितगंगाका नगर प्रमुख सुर्य अधिकारी, भुमिकास्थान नगर प्रमुख रेशम थापा, सन्धिखर्क नगर उपप्रमुख ठाकुर विक, सितगंगा नगर उपप्रमुख रेशम थापाले प्रदान गरेका थिए ।
प्रतियोगिताको पुरस्कार वितरण कार्यक्रम अर्घाखाँची युवा परिषदका अध्यक्ष कृष्ण भुसालको अध्यक्षता, महासचिव धर्म श्रेष्ठको सञ्चालनमा सम्पन्न भएको थियो ।
प्रतियोगितामा जिल्लाका सन्धिखर्क सन्धिखर्क नगरपालिका, भूमिकास्थान नगरपालिका, शितगंगा नगरपालिका, पाणिनी गाउँपालिका, छत्रदेव गाउँपालिका र मालारानी गाउँपालिकाका समुहको सहभागीता रहेको थिए ।
आश्विन २८ गते, २०७४ मा प्रकाशित
