अर्घाखाँचीडट्कम संवाददाता
नारायणघाट (अर्घाखाँचीडट्कम) । काठमाडौंबाट अर्घाखाँचीकाे लागी छुटेको यात्रुबाहक बस दुर्घटनाबाट बचेको छ । बसमा सवार सबै यात्रुहरु सुरक्षित रहेका छन् ।
काठमाडौंबाट अर्घाखाँची जिल्लाको सन्धिखर्कका लागि मंगलबार दिउसो ०३:४० मा छुटेकाे लु १ ख ६९८८ नम्बरकाे यात्रुबाहक बसलाई एक तर्फी काठमाडौंबाट सप्तरीकाे लागि छुटेकाे बा३ख ३३२९ नम्बरकाे बसले मुग्लिन नारायणघाट सडक खण्डकाे सागुराे पुलकाे नजिक ठक्कर दिएको थियो ।
ठक्करबाट अर्घाखाँची जाने बसको पछाडिको भाग सामान्य क्षति भएको छ । साथै सप्तरी जाने बसले सागुराे सडकमा रङ साइडबाट ओभर ट्याक गर्न खोज्दा दुर्घटना भएको प्रत्यक्षदर्शीले बताएका छन् ।
बसमा तिहार मनाउन जान यात्रुहरु भरिभराउ थिए । दुर्घटनापछि केही समय अबरुद्द हुन पुगेको थियो । साथै दुबै बस अहिले आफ्नो गन्तव्य गएका छन् ।
कार्तिक १ गते, २०७४ मा प्रकाशित
