नारायणी नदीले बगाएर बेपत्ता सन्धिखर्कका दाजुभाइ मध्ये राजकुमारको शब फेला परेपनि चन्द्रमान श्रेष्ठको अहिलेसम्म फेला परेन्

चितवन  (अर्घाखाँची डट्कम)। गत विहिबार नारायणी नदीले बगाएर बेपत्ता अर्घाखाँची जिल्लाको सन्धिखर्क नगरपालिका वार्ड नम्बर १ का दुई दाजुभाइ मध्येका भाई राजकुमार श्रेष्ठको शब फेला परेपनि दाई चन्द्रमान श्रेष्ठको शब आईताबार राती सम्म फेला परेको छैन ।

दाई चन्द्रमान श्रेष्ठको बेपत्ता भएको चार दिन हुँदासम्म पनि फेला पार्न नसकेको जिल्ला प्रहरी कार्यालय चितवनले बताएको छ । चन्द्रमानको खोजी कार्य जारी रहेको छ ।

यस अघि भाई राजकुमार श्रेष्ठको शब देबघाट देखी ४० किलोमिटर तल बेल्घारी भन्ने ठाउँमा बग्दै गरेको अबस्थामा स्थानिय बेल्घारी प्रहरीचौकी स्थानिय प्रहरी र शसत्र प्रहरी सबैको पहलमा फेला परेको थियो ।  

तनहुँको देबघाट गाउँपालिका-५ बेनीसंगमस्थित काली र त्रिशुली नदी मिसिएको ठाउँ देवघाटमा बाबुको श्राद्ध (वार्षिक पुण्यतिथि) का लागि नुहाउने क्रममा गत विहिबार दिउँसो १ बजे सन्धिखर्क नगरपालिका वार्ड नम्बर १  का ३८ वर्षीय चन्द्र श्रेष्ठ  र २८ वर्षीय भाई राजकुमार श्रेष्ठ  नदीमा डुबेर बेपत्ता भएका थिए । बेपत्ता मध्ये चन्द्रमान श्रेष्ठ अर्घाखाँचीडट्कम प्रिन्ट संस्करणका डिजाइनर तथा प्रतिनिधि हुन्। यस्तै चन्द्रमानले सन्धिखर्कमा होटल र लवकुश इम्मोरियम कपडा पसल सञ्चालन गरेका थिए । केही महिनादेखि धरानमा व्यवसाय गर्दै आएका थिए । राजकुमार श्रेष्ठ हाल रुपन्देहीको बुटवल उप-महानगरपालिका-१५ मा लबकुश होटेल लगायत व्यवसाय गर्दै आएका थिए । 

एकै परिबारका चार दाजुभाइ सरात गर्न भनी देबघाट गएका थिए । उनीहरू गत विहिबार दिउँसो १ बजे धार्मिक मान्यता अनुसार श्रद्धाको काम पूरा गरेपछि शुद्ध हुन नुहाउन पूर्व देवघाटतर्फको नदीमा पसेपछि दाजुभाइ नै बेपत्ता भएका थिए । सँगै गएका अन्य २ दाजुभाईहरु भने शकुशल रहेका थिए ।