-कोमल भट्ट
चन्द्रागिरी नगरपालिका,
वा.नं.१३ -पुरानो नैकाप
काठमाडौँ
हाल:-न्युयोर्क
शरद् लाग्यो,स्वदेशमा धान झुले होलान्
जताततै रङ्गीचङ्गी फूल फुले होलान्
झलमल्ल भयो होला पखेरीमा घाम
घामसँगै गगनचुम्बी हिमाल खुले होलान्
छोडी आएँ आफन्त र साथी,सङ्गातीलाई
टाढा हुँदा मायाप्रीति सबै भुले होलान्
भेट हुन्थे जून तारा,सधैँ चौतारीमा
ऐले मलाई खोजी गर्दै सारा डुले होलान्
मुटु दुख्छ नसुध्रिॅदा हाल नेपालीको
अझै कति भोका,नाङ्गा र स्याउले होलान्
कार्तिक १० गते, २०७४ मा प्रकाशित
