अर्घाखाँचीमा प्रतिनिधि सभामा ८ जना र प्रदेश सभा १ – २ मा १४ जनाको उम्मेदवारी मनोनयन दर्ता ( सम्पूर्ण विवरण सहित)

---

सन्धिखर्क, अर्घाखाँची  (अर्घाखाँचीडट्कम) । आगामी मंसिर २१ गते हुने दोस्रो चरणको आम चुनावका लागि आज अर्घाखाँची जिल्लामा हर्षोल्लासका साथ उम्मेदवारी मनोनयन दर्ता भएको छ । 

अर्घाखाँचीमा शान्तिपूर्ण रुपमा मनोनयन दर्ता भएको हो । अर्घाखाँचीमा राजनीतिक दल र स्वतन्त्र गरी अर्घाखाँचीबाट प्रतिनिधि सभाको निर्वाचनमा ८ जनाले उम्मेद्ववारी दर्ता गराएका छन् । यस्तै प्रदेश सभा क्षेत्र नम्बर १ मा ७ जना र प्रदेश सभा क्षेत्र नम्बर २ मा ७ जनाले उम्मेद्ववारी दर्ता गराएका छन् ।

नेपाली काङ्ग्रेस अर्घाखाँचीबाट प्रतिनिधि सभाको निर्वाचनमा डाक्टर राम बहादुर बिसी, प्रदेश सभा क्षेत्र नम्बर १ मा काङ्ग्रेस अर्घाखाँचीका पार्टी सभापति बिस्णु प्रसाद खनाल मुस्कान, प्रदेश सभा क्षेत्र नम्बर २ मा नेता हिम्मत टन्डनले मुख्य निर्वाचन अधिकृतको कार्यालयमा पुगी आ-आफ्नो उम्मेद्ववारी दर्ता गराएका छन् । 

यस्तै एमाले र माओवादी केन्द्र गठबन्धन अर्घाखाँचीबाट प्रतिनिधि सभाको निर्वाचनमा टाेपबहादुर रायमाझी (माआेवादी केन्द्र), प्रदेश सभा क्षेत्र नम्बर १ मा चेतनारायण आचार्य ( एमाले), प्रदेश सभा क्षेत्र नम्बर २ मा रामजीप्रसाद घिमिरे ( एमाले)ले मुख्य निर्वाचन अधिकृतको कार्यालयमा पुगी आ-आफ्नो उम्मेद्ववारी दर्ता गराएका छन् । 

साथै राष्ट्रिय जनमोर्चा अर्घाखाँचीबाट प्रतिनिधि सभाको निर्वाचनमा शेर बहादुर बिसी, प्रदेश सभा क्षेत्र नम्बर १ मा सागर के.सी., प्रदेश सभा क्षेत्र नम्बर २ मा झबिलाल थापाले मुख्य निर्वाचन अधिकृतको कार्यालयमा पुगी आ-आफ्नो उम्मेद्ववारी दर्ता गराएका छन् । 

यस्तै राप्रपा राष्ट्रवादीबाट प्रतिनिधि सभाको निर्वाचनमा भोजराज दमाशे, नयाँ शक्ति नेपालबाट प्रतिनिधि सभाको निर्वाचनमा छन्द पन्थी, विवेकशिल साझा पार्टीबाट प्रतिनिधि सभाको निर्वाचनमा बिष्णु प्रसाद मिश्र, मंगोल नेशनल अर्गानाईजेसन पार्टीबाट बिष्णुकुमार गुरुङ  र स्वतन्त्रबाट प्रतिनिधि सभाको निर्वाचनका लागि डिल्लीराज भुसालले उम्मेद्ववारी दर्ता गराएका छन् । 

यसका साथै राप्रपाबाट प्रदेश सभा क्षेत्र नम्बर १ मा दिपक कुवर र २ बाट अम्मर बहादुर थापा, नेकपा माले बाट प्रदेश सभा क्षेत्र नम्बर २ को लागी बिना सुनार,  विवेकशिल साझा पार्टीबाट प्रदेश सभा क्षेत्र नम्बर १ मा हरिप्रसाद भुसाल, नयाँ शक्ति नेपालबाट प्रदेश सभा क्षेत्र नम्बर १ मा गोकर्ण थापा – क्षेत्र नम्बर २ मा मनिष सिंह र स्वतन्त्रबाट प्रदेश सभा क्षेत्र नम्बर १ मा रोमाहर्ष खनालले उम्मेद्ववारी दर्ता गराएका छन् ।      

अर्घाखाँचीमा माओवादी केन्द्रका असन्तुष्ट केन्द्रिय सचिवालय सदस्य चन्द्र बहादुर खड्का  (उज्वल) ले प्रतिनिधी सभामा बागी उम्मेदवारी दिने घोषणा गरेता पनि अन्तत दिएनन् । 

उम्मेद्ववारी दर्ताका लागि सबै राजनीतिक दलहरुका हजारौं जनसमर्थकहरुको बाजागाजा सहित उपस्थित रहेको थियो । 

अर्घाखाँचीमा मनोनयन दर्ताको लागि बिहान १० बजेदेखि ५ बजेसम्म समय दिईएको थियो ।