(पहिलो प्रकासित मिती: २०७४ कार्त्तिक १८, शनिवार)
अर्घाखाँचीडट्कम संवाददाता
मरेङ, अर्घाखाँची (अर्घाखाँचीडट्कम) । अर्घाखाँची जिल्लाको मालारानी गाउँपालिका वार्ड नम्बर १ मरेङ भण्डारथुममा शनिबार नेकपा एमालेको चुनावी अगुवा कार्यकर्ता प्रशिक्षण कार्यक्रम सम्पन्न भएको छ ।
नेकपा एमाले मालारानी-१ अर्घाखाँचीको अगुवा कार्यकर्ता प्रशिक्षण कार्यक्रममा प्रमुख अतिथि जिल्ला संगठन विभाग प्रमुख पीताम्बर भुसाल र जिल्ला कमिटी सचिवालय सदस्य जीवन चौहानको उपस्थितीमा प्रशिक्षण दिइएको थियो ।
प्रशिक्षण कार्यक्रमको अध्यक्षता वार्ड संगठन कमिटी अध्यक्ष चन्द्र कान्त आचार्यले गरेका थिए । यस्तै कार्यक्रमको संचालन भुवन बि.क. र स्वागत वार्ड कमिटी सचीव गुणानिधी भुसालले गरेका थिए ।
यस्तै कार्यकर्ता प्रशिक्षण कार्यक्रममा अन्य अतिथी मालारानी १ का अद्द्यक्ष बालकृष्ण आचार्य र मालारानी गाउँ पालिका संगठन कमिटी सदस्य टेमलाल पान्डेको उपस्थिती रहेको थियो ।
कार्तिक १९ गते, २०७४ मा प्रकाशित
