भुमिकास्थान नगरपालिकाकाे केन्द्र अन्तत: नुवाकोटको पाेखेडाँडामा हुने

नुवाकोट, अर्घाखाँची (अर्घाखाँचीडट्कम) । लामो समय देखि विवादमा रहेको अर्घाखाँची जिल्लाको भुमिकास्थान नगरपालिकाकाे केन्द्र अन्तत: नुवाकोटको पाेखेडाँडामा हुने भएको छ । 

बिहीवार नगरपालिका कार्यालयमा भएको स्थानिय प्रतिनिधिको मतदानपछि बहुमत संख्यामा चिदिचाैर भन्दा बढी मत आएपछि पाेखेडाँडामा केन्द्र हुने भएको हो । सम्पन्न मतदान अनुसार पाेखेडाँडाकाे पक्षमा ४३ मत र चिदिचाैरकाे पक्षमा ८ मत खसेको थियो ।         

गत साउन भुमिकास्थान नगरपालिकाकाे केन्द्र पाेखेडाँडा कि चिदिचाैर कहाँ राख्ने भन्ने बिषयमा सहमती नजुटेपछी निर्वाचन मार्फत सहमतिमा जाने निर्णय भएको थियो । 

  

पाेखेडाँडामा केन्द्र बनाउने भएपनि त्यहाँ अहिले सम्म कुनै भवन रहेको छैन ।