प्रेम खड्का
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा आगामी माघ १० गते देखि २१ गतेसम्म तेस्रो अर्घाखाँची औद्योगिक सास्कृतिक पर्यटन तथा कृषि महोत्सव २०७४ हुने भएको छ ।
मानव संसाधन बिकास तथा वातावरण संरक्षण मञ्च (हर्डेप नेपाल) अर्घाखाँची प्रमुख आयोजक र उद्योग बाणिज्य संघ अर्घाखाँची मुख्य संरक्षक संस्था रहने गरि औद्योगिक, साँस्कृतिक, पर्यटन, कृषि तथा व्यापार मेला हुने भएको हो ।
महोत्सवमा होटल तथा रेष्टुरेन्ट व्यावसायि संघ अर्घाखाँची, कपडा तथा फेन्सी व्यावसायि संघ अर्घाखाँची, लोकदोहोरी प्रतिष्ठान अर्घाखाँची र पत्रकार महासंघ अर्घाखाँची गरि अन्य संघ संस्थाहरु सहयोगी संस्था रहने गरि महोत्सव सञ्चालन हुन लागेको उद्योग वाणिज्य महासंघका केन्द्रिय सदस्य तथा वाणिज्य संघ अर्घाखाँचीका अध्यक्ष कृष्ण प्रसाद श्रेष्ठले जानकारी दिनु भएको छ।
पौष २२ गते, २०७४ मा प्रकाशित
