मधुसुधन पाण्डे
छत्रदेव, अर्घाखाँची माघ १३ गते । अर्घाखाँची जिल्लाको छत्रदेव गाउँपालिकामा एकहप्ते डकर्मी तालिम सम्पन्न भएको छ। गत सनिवारदेखि सुरु भएको तालिम आज समापन गरिएको हो।
राष्ट्रिय पुनः निर्माण प्राधिकरणको सहयोग तथा घरेलु तथा साना उधोग विकास समिति अर्घाखाँचीद्वारा सञ्चालन गरिएको उक्त तालिम आज सकिएको हो।भुकम्प प्रधिरोधात्मक घर निर्माण गर्नका लागि उक्त तालिम दिएको हो यश तालिममा छत्रदेव गाउपालिकाका ५,६,७ र ८ वडाका करिब २५ जना उपस्थित रहेको वडाअध्यक्ष राजकुमार श्रेष्ठले जानकारी दिनुभयो।
आज कार्यक्रममा सहभागीलाई प्रमाणपत्र दिदै गाउपालिका अध्यक्ष लेखनाथ पोख्रेलले आफ्नो समृद्ध छत्रदेव वनाउने सपना पूरा हुदै जाने विस्वास दिलाउनु भयो कार्यक्रममा वडाअध्यक्ष,वडासचिव,प्राधिकरणका कर्मचारी लगायत सर्वसाधारणको उपस्थित रहेको थियो।
साथै भोलिदेखि छत्रदेव गाउपालिकाका वडा न १,२,३र ४ वडामा तालिम सुरु हुने गाउँपालिका अध्यक्ष पोख्रेलले जानकारी दिनुभयो ।
माघ १३ गते, २०७४ मा प्रकाशित
