गीता रायमाझी जिसी
सिड्नी, अस्ट्रेलिया (अर्घाखाँचीडट्कम) । अर्घाखाँची समाज अस्ट्रेलियाको बृहत भेटघाट तथा बिबीक्यु (BBQ) कार्यक्रम सम्पन्न भएको छ ।
अर्घाखाँची समाज अस्ट्रेलियाले पहिलो पटक शनिबार सिड्नीमा आयोजना गरेको भेटघाट कार्यक्रममा अर्घाखाँचीबासीहरुको बाक्लो उपस्थिती रहेको थियो ।
कार्यक्रममा एक अर्का बिच परिचय र आपसी भेटघाट, नेपाली खानपिन तथा गीत नृत्य गरी रमाइलो गरिएको थियो ।
अर्घाखाँचीबाट अस्ट्रेलिया आई बसोबास गर्ने दिदी बहिनी दाजुभाइबीच भाईचारा बढाउने, आपसी सुख दुस्ख साटासाट गर्ने र आफुले सकेको सहयोग आफ्नो जन्मभूमिको शिक्षा, स्वास्थ्यका क्षेत्रमा काम गर्ने उद्देश्यले समाजको स्थापना भएको हो ।
सो अवसरमा आगामी दिनहरुमा पनि नियमित कार्यक्रमहरुको आयोजना गरिने बारेमा समेत छलफल गरिएको थियो ।
फाल्गुन २७ गते, २०७४ मा प्रकाशित
