प्रेम खड्का
चुत्राबेशी, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका २ किमडाँडाको ( चुत्राबेशी माथि) स्थित बेलबाटिकामा मालबहाक जीप दुर्घटना भएको छ ।
दुर्घटनामा ५ जना घाइते भएका छन् । जसमा २ महिला र ३ पुरुष रहेका छन् । घाइते मध्ये सन्धिखर्क-२ किमडाँडाकी सावित्रा बन्जाडेको टाउकोमा चोट लागेको छ भने अर्का घाइते रबीन्द्र खनालको खुट्टामा चोट लागेको छ । दुबै जनालाई बुटवल रिफर गरिएको छ । चालक दीपेन्द्र भोहोरा फरार रहेका छन् ।
धारापानी देखि सन्धिखर्क आउँदै गरेको लु १ च ६२६८ नम्बरको जीप अपरान्ह ४ बजे तिर दुर्घट्ना भएको हो । जीप दुर्घट्ना हुँदा बेलबाटिकाको शिवालय मन्दिर पूर्ण रुपमा क्षति भएको छ ।
घाइतेहरुको जिल्ला अस्पताल अर्घाखाँचीमा उपचार हुँदैछ । ब्रेक फेल जीप दुर्घट्ना भएको बताइएको छ ।
फाल्गुन २८ गते, २०७४ मा प्रकाशित
