फाइल तस्बिर
अर्जुन भुसाल
सन्धिखर्क, अर्घाखाँची । राष्ट्रिका लागि खेलकुद, जिल्लाका लागि खेलकुद भन्ने मुख्य नारा तय गरेर चौथो सन्धिखर्क नगरपालिका स्तरीय रनिङ्गशिल्ड प्रतियोगिता भोली (शुक्रबार) देखि शुरु हुँदैछ ।
सन्धिखर्कको टुडिखेलमा हुने खेलको सन्धिखर्क नगरपालिकाका प्रमुख कमलप्रसाद भुसालले विहान ११ बजे उद्घाटन गर्दै हुनुहुन्छ ।
खेलमा सामुदायिक र संथागत गरि १८ विद्यालयले भाग लिने जिल्ला खेलकुद विकास समितिका अध्यक्ष सिद्धिप्रसाद भुसालले जानकारी दिनुभयो । खेलमा १८ वर्ष भित्रका खेलाडीहरुलाई मात्र सहभागि गराइने उहाँले बताउनुभयो ।
यसैबीच भोलीदेखि नवौं राष्ट्रपति रनिङ्गशिल्ड प्रतियोगिताका लागि एउटा स्थानीय तहलाई एउटा इलाका आधार मानेर सबै स्थानीय तहमा छनोट प्रतियोगिता हुँदैछन् । छनोट प्रतियोगितामा स्थानीय तहका प्रमुखहरुको प्रमुख आतिथ्यता रहने छ । इलाका स्तरीय छनोट प्रतियोगिता ३ दिन चल्ने छ ।
इलाकाबाट प्रथम र द्वितिय स्थान हासिल गरेर आएका खेलाडी समुहहरु राष्ट्रपति रनिङ्गशिल्डका दावेदार मानिनेछन् ।
चैत्र २२ गते, २०७४ मा प्रकाशित
