धारापानीको ठुलाखर्ककी क्यान्सर पीडित मनकलालाई आर्थिक अभावका कारण उपचार नगराई दिल्लीबाट घर फर्कने अवस्था

दिल्ली (अर्घाखाँचीडट्कम) । अर्घाखाँची जिल्ला भुमिकास्थान नगपालिका वार्ड नम्बर ३ धारापानीको ठुलाखर्क गाउँटोल बेओरेकी क्यान्सर पीडित मनकला बिकलाई आर्थिक अभावका कारण उपचार गराउन कठिनाई भएको छ । 

बेओरेका स्वर्गीय जगत बाहादुर बिककी छोरी क्यान्सर पीडित मनकला बिक लामो समयसम्म रोजगारीका लागि कुबेतमा थिईन् र उनले मेहनत तथा पसिना बगाएर कमाएको पैसा आफ्नै उपचार गर्नमा सकिएको र उनलाई बचाउन अरु धेरै ठुलो  रकमको आबस्यक परेको हो । 

क्यान्सर पीडित मनकलाको उपचार नेपालमा भन्दा सस्तो पर्छ भन्दै दिल्लीमा उपचार गर्न लगिएको र अहिले दिल्लीको क्यान्सर हस्पिटलमा भर्ना गरिएको छ र उपचार चलिरहेको छ ।  तर पैसाको अभावमा उपचार नगराई घर फर्कने अवस्था पुगेको छ ।  

मनकलाको आर्थिक स्थिती कमजोर भएकोले बचाउन भन्दै नेपाली देस भक्त युवा समाज दिल्ली शाखाले देश विदेशमा सम्पूर्ण नेपालीहरुलाई अनुरोध गरेको छ ।