अर्घाखाँचीडट्कम संवाददाता
बुटवल (अर्घाखाँचीडट्कम) । बुटवलमा भएको सडक दुर्घटनामा परी अर्घाखाँची जिल्लाको सन्धिखर्क नगरपालिका वार्ड नम्बर ४ (साविक वाङ्ला २ ) का एक युवाको निधन भएको छ ।
वाङ्ला निवासी बुवा बिष्णु भण्डारी र आमा सुमित्रा भण्डारीका २५ वर्षिय एकमात्र छोरा प्रकाश भण्डारीको बुधवार दिउसो २ बजे बुटबल नेपालगञ्ज रोडमा बाईकमा यात्रा गर्दै गर्दा ट्रकको ठक्करबाट घटनास्थलमा नै निधन भएको हो ।
प्रकाशले बुटवलमा ७,८ वर्ष देखि पेन्टको व्यवसाय गर्दै आएका थिए । मृत्तकको शब अन्तिम दाहसंस्कारको लागि वाङ्ला लगिएको छ । प्रकाशका दुई वटी बहिनी छन् । उता अकस्मात् एक्लो छोरोको निधन भएको खबरले आमा अचेत छिन् ।
प्रहरीले ठक्कर दिने ट्रक र चालकलाई नियन्त्रणमा लिएको छ । घटनाको आवश्यक अनुसन्धान गरिरहेको प्रहरीले बताएको छ ।
बैशाख ५ गते, २०७५ मा प्रकाशित
